Më 4 nëntor, Kryetarja e Qarkut Shkodër Marina Duhani mori pjesë në aktivitetin “Women Who Lead”, një iniciativë e organizuar nga Valbona Begolli, e cila bëri bashkë gra sipërmarrëse dhe drejtuese për të ndarë përvoja, ide dhe mundësi të reja bashkëpunimi.
Aktiviteti u karakterizua nga diskutime mbi rolin e gruas në sipërmarrje dhe drejtim, ndërsa vëmendje e veçantë iu kushtua prezantimit të Aina Hotit me temë “Biznesi, Komunikimi dhe Energjia Pozitive”. Një tjetër çështje e trajtuar ishte kontributi i diasporës në fuqizimin e sipërmarrjes së grave, duke evidentuar rëndësinë e krijimit të urave të bashkëpunimit dhe shkëmbimit të përvojave. Pjesëmarrja në këtë iniciativë u vlerësua si një mundësi për të promovuar fuqizimin e grave dhe për të nxitur partneritete që kontribuojnë në zhvillimin e komuniteteve.
Në mesazhin e saj, Kryetarja e Qarkut Shkodër, Duhani shprehu mirënjohjen për organizatoren, folësen dhe të gjitha pjesëmarrëset, duke theksuar se bashkimi i vizionit dhe energjisë së grave krijon mundësi të reja zhvillimi për të gjithë shoqërinë.
