Kryetarja e Këshillit të Qarkut Shkodër, Marina Duhani, mori pjesë në edicionin e 32-të të Panairit Ndërkombëtar të Tiranës, një prej aktiviteteve të rëndësishme ekonomike në vend, i cili këtë vit ka bërë bashkë mbi 300 kompani nga më shumë se 12 vende të botës. Gjatë pjesëmarrjes së saj, Duhani vlerësoi rëndësinë e këtij aktiviteti edhe në funksion të promovimit të potencialeve ekonomike, turistike dhe kulturore të Qarkut Shkodër.
Statusi i plotë:
Kënaqësi të jem e pranishme në edicionin e 32-të të Panairit Ndërkombëtar të Tiranës, një prej aktiviteteve më të rëndësishme ekonomike në vend, që këtë vit bashkon mbi 300 kompani nga më shumë se 12 vende të botës në Shqipëri🇦🇱 Një hapësirë e rëndësishme ku ndërthuren sipërmarrja, inovacioni, teknologjia, bujqësia, turizmi dhe trashëgimia kulturore, duke krijuar mundësi konkrete për investime, partneritete dhe bashkëpunime të reja. Si Kryetare e Këshillit të Qarkut Shkodër, e vlerësova këtë platformë edhe si një mundësi për të promovuar potencialet ekonomike, turistike dhe kulturore të qarkut Shkodër, si dhe për të forcuar lidhjet me partnerë vendas e ndërkombëtarë.
