Pas situates se krijuar nga reshjet e shiut ne qytetin e Shkodres, ka reaguar kryebashkiaku Benet Beci. Ne rrjetin social ai shkruan:
Rrebeshe shiu kanë përfshirë qytetin e Shkodrës gjatë gjithë ditës, me intensitet të lartë .
Pavarësisht sasisë së reshjeve, situata është menaxhuar në mënyrë të vazhdueshme dhe pa problematika.
Ndërmarrja e Shërbimeve Publike dhe Ujësjellës-Kanalizime kanë qenë në gatishmëri maksimale, në terren dhe në monitorim të pandërprerë të të gjitha pikave kritike.
Sistemi i kullimit ka funksionuar në kushte optimale, duke përballuar ngarkesën e reshjeve dhe duke shmangur grumbullimet e ujit në zonat urbane.
Situata vijon të jetë nën kontroll dhe po ndiqet në kohë reale, me struktura të gatshme për ndërhyrje të menjëhershme në çdo rast të nevojshëm.
