Gjatë një vizite zyrtare në Mal të Zi, deputetja Marjana Koçeku ka zhvilluar një sërë takimesh të rëndësishme me përfaqësuesit më të lartë shqiptarë në qeverisjen e vendit fqinj. Në qendër të diskutimeve ishte forcimi i urave lidhëse mes shqiptarëve dhe rritja e bashkëpunimit ekonomik e social. Përmes një mesazhi në rrjetet sociale, Koçeku u shpreh:
Ishte nder dhe kënaqësi e veçantë të takohem me Zv. Kryeministrin dhe Ministrin e Zhvillimit Ekonomik për Malin e Zi, z. Nik Gjeloshaj , Nënkryetarin e Parlamentit, z. Nikollë Camaj , si dhe Ministrin e Administratës Publike, z. Marash Dukaj .
Malësia dhe trevat që gjenden në Mal të Zi janë pjesë e pandashme e identitetit tonë kombëtar dhe njerëzor. Jam e gatshme për me kontribue që kufijtë tanë të jenë gjithnji e ma pak pengesë dhe gjithnji e ma shumë urë bashkëpunimi, zhvillimi dhe perspektive e përbashkët.
