KF Shiroka po vazhdon një sezon mbresëlënës në Kategorinë e Dytë. Në javën e tetë të kampionatit, skuadra shkodrane arriti një fitore të thellë 6–1 ndaj Gramshit, në takimin e zhvilluar në fushën sportive “Reshit Rusi”. Shiroka e nisi ndeshjen në mënyrë të furishme, duke e zgjidhur praktikisht brenda 10 minutave të para. Dyshet Vucaj–Leka prodhuan dy golat hapës në minutat 8 dhe 10, duke vendosur menjëherë ritmin e lojës. Në minutën e 24-t, kapiteni Vucaj dha asistin e tretë të ndeshjes, këtë herë për Dulajn, që çoi rezultatin në 3–0.
Edhe pjesa e dytë ishte domino total i vendasve. Olamide shënoi golin e katërt në minutën e 48-të, ndërsa Dulaj realizoi dopietën e tij në minutën e 56-të për 5–0. Olamide riktheu emrin e tij në listën e shënuesve në minutën e 70-të, duke vulosur rezultatin 6–1. Goli i vetëm për Gramshin u shënua nga Ajazi në minutën e 82-të. Me këtë sukses bindës, Shiroka ngjitet sërish në vendin e parë të renditjes me 21 pikë, dy më shumë se Besëlidhja. Në sfidën e radhës, shkodranët do të luajnë në transfertë ndaj Tërbunit të Pukës, ku do të kërkojnë të vazhdojnë ecurinë pozitive.
