Spitali Rajonal i Shkodrës vijon të përballet me mungesa serioze në shërbime jetike. Prej më shumë se një jave, aparatura e rezonancës magnetike është jashtë funksionit, duke detyruar dhjetëra pacientë të largohen pa u ekzaminuar, ndonëse kishin pritur me muaj për këtë shërbim. Situata është alarmante dhe pasqyron neglizhencën e institucioneve shëndetësore ndaj qytetarëve.
Statusi i Gazetarit Osman Stafa:
Spitali i Shkodrës pa rezonancë magnetike.
Rezonanca magnetike është prishur prej së hënës së javës së shkuar, 21 prill.
Pacientët që prisnin prej 4-5 muajsh për të bërë rezonacën nuk po e bëjnë, e po kthehen në shtëpi. Për të bërë këtë ekzaminim, ata duhet të futen përsëri në sistem, dhe do u duhen të presin tashmë deri në shtator. Sepse radha ka shkuar tashmë 5 muaj.
