Tre efektivë të policisë u lënduan gjatë protestës së sotme të opozitës para Kryeministrisë pasi disa prej mbështetësve të PD hodhën kapsolla drejt godinës. Efektivët janë dërguar në spital pasi kanë pësuar lëndime të lehta. Mësohet se një prej efektivëve ka pësuar lëndime në fytyrë, një tjetër në sy dhe tjetri në duar. Një prej efektivëve të lënduar është grua, punonjëse e Policisë së Shtetit e vendosur në kordonin para protestuesve.
