KF Shiroka tregon se është gati për pjesën e dytë të sezonit. Pas një fitoreje të thellë në miqësoren ndaj Veleçikut, Shiroka ka arritur një tjetër sukses, këtë herë kundër Tërbunit të Pukës, një skuadër që synon ngjitjen në Kategorinë e Parë.
Në ndeshjen e zhvilluar në fushën sportive “Reshit Rusi”, Shiroka triumfoi me rezultatin e pastër 3–0 ndaj pukjanëve, duke dominuar gjatë gjithë sfidës. Golat e fitores u shënuan nga Dulaj, Peku dhe Boshti.
Kjo fitore rrit moralin e skuadrës dhe i bën lojtarët më të bindur në arritjen e objektivit për këtë sezon.
