Këtë të premte po mbahen zgjedhjet për drejtuesit e rinj të 12 Universiteteve publike, ku 6500 pedagogë dhe 88 mijë studentë po votojnë për drejtuesit e rinj.
Deri më tani procesi nuk është shoqëruar nga incidente, përveçse në universitetin e Shkodrës ku kandidati për rektor, Tonin Gjuraj, hodhi akuza për parregullsi të procesit zgjedhor.
Në pjesën më të madhe të këtyre institucioneve, veçanërisht në Universitetet e Tiranës interesi është më i madh.
Nga ana tjetër mbetet shqetësim për këto universitete fakti se një pjesë e kandidatëve që garojnë për rektor apo dekan janë denoncuar në media për plagjiaturë.
Zgjedhjet nisën në orën 08.00 dhe do të përfundojnë në orën 16.00.
