Kryeministri Edi Rama ka shtyrë takimin e planifikuar me shqiptarët e Britanisë, i cili ishte planifikuar në 9 qershor në Londër.
Burime për newspower.al bëjnë me dije se takimi i parashikuar të zhvillohej këtë të diel në Londër në 9 qershor është anuluar, për shkak të zgjedhjeve në Britani.
Sipas të njëjtave burime takimi i kryeministrit Rama me shqiptarët në Britani do të zhvillohet pas zgjedhjeve të 4 Korrikut.
Kujtojmë që kryeministri Rama e nisi më 12 maj në Athinë takimet me emigrantët shqiptarë.
Më 26 maj, Rama u takua me bashkatdhetarët në Itali, në pallatin e sportit në ‘Busto Arsizio’ afër qytetit të Milanos.
