Keshilltarja bashkiake Eliona Shkreli ka denoncuar skandalin me pastrimin ne zonen turistike të Velipojës. Mbeturinat kane pushtuar kete zone kur do te duhej te ishte gati per sezonin turistik.
Statusi i Shkrelit:
Kjo është Shëtitorja e Velipojës turistike sonte…
Dje ishte 1 Maji, ditë e cila gjithmonë (për aq sa mbaj mend unë) ka çelur sezonin turistik në plazhin e Velipojës pasi shkodranët në këtë ditë pushimi kanë preferuar gjithmonë të kalojnë festën zyrtare në bregdetin e Velipojës.
Pasi hoqi traditën disa vjeçare, atë të aktiviteteve që Bashkia Shkodër ka organizuar gjithmonë për të simbolizuar çeljen e sezonit turistik në plazhin verior, kryebashkiaku I Shkodrës dhe stafi i Tij ‘profesionist’ të cilët ndërmorën reforma e ristrukturime që do sillnin shërbime cilësore për qytetarët, e kanë lënë plazhin e Velipojës në gjëndjen më skandaloze të mundshme, mes grumbujve të mbeturinave mbi kazanë e në tokë, pa u kujdesur aspak për këtë pikë të rëndësishme turistike.
Ndërkohë që në rrjetet sociale propagandohet puna e ‘mirë’ në menaxhimin e #ShkodrësSëPastër, ky është realiteti, përtej fasadës Benetiane.
Kjo është mënyra se si Bashkia Rilindase çel sezonin turistik në Velipojë, ndërkohë që vetëm 1 vit më parë sezoni çelej me aktivitete sportive dhe koncerte në mbrëmje që mbushte bregdetin dhe shëtitoren e Velipojës plot me njerëz e sidomos me të rinj.
Situata është e turpshme, prandaj në cilësinë e anëtares së Këshillit Bashkiak i bëj thirrje Bashkisë Shkodër të marrë masat e të menaxhojë situatën e mbeturinave, sidomos në pikat turistike të cilat duhet të jenë dhe burim të ardhurash për bizneset dhe vetë Bashkinë. Kjo situatë është e pafalshme pasi tregon indiferencë totale ndaj një kryepremtimi që vazhdon premtohet e në rastin më të keq propagandohet se tashmë Shkodra është më e pastër kur në fakt s’ka kenë asnjëherë tjetër më ‘beterr’ se sot.
