Vllaznia e nis nga shtëpia sezonin e ri futbollistik, ku pret në shtëpi verilindorët e Kukësit. Shkodranët synojnë të kenë një përformancë të mirë që ju mundëson pjesmarrjen në Europë, edhe pse për titullin kampion që kanë folur çdo sezon këtë herë janë të kursyer.
Memelli do të hedh në fushë një formacion me mungesa pasi Ardit Krymi nuk është i gatshëm për shkak të një dëmtimi.
Në prag të këtij takimi, Bekim Balaj që do të ketë shiritin e kapitenit u shpreh se skuadra do të synojë më të mirën në një kampionat të gjatë.
“Ndeshja e parë në shtëpi, hapim kampionatit dhe nuk mendojmë gjë tjetër veç fitores. Duhet ët marrim ndeshjen me qetësi dhe e dimë çfarë duhet të japim.
Kapiten? Është ndjenjë krenarie dhe vlerësim por edhe përgjegjësi e madhe. Kam pasur fatin të luaj me shumë kapitenë dhe më erdhi radha. Shpresoj të jap më të mirën. Nuk ndryshon gjë për mua sepse përgjegjësi kam pasur kur kam firmosur dhe kur kam veshur fanellën e Vllaznisë.
Harmonia? Ka qenë e mirë. Jemi grup që njihemi. Kemi pasur kohë të përshtatemi dhe çdo gjë është gati. Jemi në formën më të mirë.
Kukësi? Nuk na takon të merremi me problemet e Kukësit. Është ndeshja e parë në një kampionat të gjatë dhe merremi me ndeshjen e radhës.
Gol nga Balaj? Goli është kënaqësi por me rëndësi është të japim maksimumin. Nuk ka rëndësi kush fiton por t’i gëzohem fitores.
Rival direkt? Fokusohemi te vetja dhe këtë gjë duhet të bëjmë ndeshje pas ndeshje. Llogaritë bëhen në fund.
Final Four? Të them të drejtën, është çështje që nuk na takon ne. Klubet janë mbledhur dhe kanë rënë dakord. Ne duhet të luajmë në fushë. Objektivi është për të kapur katërshen, Europën dhe titullin kampion. Jam i bindur se kjo skuadër është gati”, tha Balaj.
Ndeshja Vllaznia – Kukësi luhet të shtunën duke nisur nga ora 20.00 në stadiumin “Loro Borici”.
