Një ngjarje tragjike ka ndodhur në Dimal. Një 15-vjeçar ka ndërruar jetë teksa punonte në një lavazh. 15-vjeçarin e ka zënë korrenti teksa ishte duke punuar.
Shtetasi A.H 37 vjec është arrestuar për shkelje të rregullave të mbrojtjes në punë.
Njoftimi i policise:
Dimal, Berat
Specialistët e Seksionit për Hetimin e Krimeve të Stacionit të Policisë Dimal arrestuan në flagrancë shtetasin A. H., 37 vjeç, banues në Dimal, për veprën penale “Shkelja e rregullave të mbrojtjes në punë”.
Mëngjesin e sotëm, në lavazhin në pronësi të 37-vjeçarit, një shtetas 15 vjeç, banues në Dimal, i cili punonte si ndihmës, në këtë lavazh, ka rënë në kontakt me rrymën elektrike dhe për pasojë, ka humbur jetën.
Në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Berat, vijojnë hetimet për të dokumentuar përgjegjësinë penale të shtetasit A. H.
