Një ngjarje e rëndë është regjistruar në Itali ku në saj të një aksidenti tragjik, ka gjetur vdekjen 18-vjeçari shqiptar, Admir Hoti.
I riu ishte në makinë me të atin e tij gjatë përplasjes fatale rreth orës 20:00 të mbrëmjes.
Ka qenë përplasja e fortë e dy mjeteve ajo çka ka shkaktuar edhe tragjedinë ku humbi jetën i riu dhe u plagos i ati.
Duket se shkak i përplasjes ka qenë rrëshqitja e një Fiat Grande Punto, e cila u përplas me një Chevrolet. Nga përplasja e fortë, Fiat-i i shqiptarit u nda në dysh.
Lidhur me këtë lajm të hidhur, miqtë në rrjete sociale të të riut kanë shprehur të gjitha ngushëllimet duke e përshkruar si një djalë me vizion, çapkën dhe të shkathët. Ata thanë se i riu do të jetë përgjithmonë në zemrat e tyre.
